NTRO நிறுவனத்தில் Analyst பணிக்கு என்று உள்ள காலியிடங்களை நிரப்ப வேண்டி தற்போது NTRO அறிவிப்பு வெளியிட்டுள்ளது. மேலும் இப்பணிக்கென்று 8 காலிப்பணியிடங்கள் ஒதுக்கப்பட்டுள்ளதாகவும் தெரிவித்துள்ளது. இப்பணிக்கு விண்ணப்பிக்க ஆர்வமுள்ளவர்கள் விரைவாக விண்ணப்பித்து பயன்பெறலாம்.
NTRO வேலைவாய்ப்பு:
தேசிய தொழில்நுட்ப ஆராய்ச்சி நிறுவனம் தற்போது Analyst பணிக்கு எட்டு காலியிடங்கள் உள்ளதாக அறிவிப்பு வெளியிட்டுள்ளது. இப்பணிக்கு விண்ணப்பிப்பவர்களின் வயது வரம்பு அதிகபட்சம் 56 என்று அறிவிப்பில் குறிப்பிடப்பட்டுள்ளது.
மேலும் இப்பணிக்கு விண்ணப்பிக்கும் நபர்கள் அரசு அல்லது அரசு சார்ந்த கல்லூரி அல்லது பல்கலைக்கழகங்களில் இளங்கலை பட்டம் பெற்றிருக்க வேண்டும் மற்றும் பாதுகாப்பு மற்றும் புலனாய்வு துறையில் 7 ஆண்டுகள் அனுபவம் பெற்றிருக்க வேண்டும். இப்பணிக்கு தேர்வு செய்யப்படும் நபர்களுக்கு Pay Matrix Level -11 ன் கீழ் மாத ஊதியம் வழங்கப்படும் என்று தெரிவித்துள்ளது.
Analyst பணிக்கு தகுதியுள்ள நபர்கள் நேர்காணல் முறையில் தேர்வு செய்யப்படுவார்கள். இப்பணிக்கு விண்ணப்பிக்க ஆர்வமுள்ள நபர்கள் அதிகாரப்பூர்வ அறிவிப்பில் உள்ள விண்ணப்ப படிவத்தை பூர்த்தி செய்து அறிவிப்பு வெளியான 30 நாட்களுக்குள் அலுவலக முகவரிக்கு போதிய ஆவணங்களுடன் தபால் அனுப்புமாறு அறிவிக்கப்படுகிறது.