ஏர் இந்தியா எக்ஸ்பிரஸ் விமான சேவையில் பெண்களுக்கான TRAINEE CABIN CREW பதவிக்காக பல்வேறு காலிப்பணியிடங்கள் ஒதுக்கப்பட்டு உள்ளதால் அதை நிரப்ப ஏர் இந்தியா எக்ஸ்பிரஸ் நிறுவனம் வேலைவாய்ப்பு அறிவிப்பு ஒன்றை வெளியிட்டுள்ளது.
AIR INDIA EXPRESS -ன் வேலைவாய்ப்பு விவரங்கள்:
TRAINEE CABIN CREW (FEMALE) பதவிக்கு காலியாக உள்ள பல்வேறு காலிப் பணியிடங்களை நிரப்புவதற்காக AIR INDIA EXPRESS விமான சேவையானது பெண்களுக்கான வேலைவாய்ப்பு குறித்த அறிவிப்பை அறிவித்துள்ளது. மேலும் இந்த பணியில் பணிபுரிய விரும்பும் பெண்கள் 01.02.2023 தேதியின்படி 18 முதல் 27 வயதுக்குள் இருப்பவர்களாக இருக்க வேண்டும்.
இந்நிலையில் இப்பணிக்கு விண்ணப்பிக்கும் பெண்கள் அங்கீகரிக்கப்பட்ட கல்வி நிறுவனத்தில் இருந்து HSC (10, +2)-ல் தேர்ச்சி பெற்றிருக்க வேண்டும். மேலும் விண்ணப்பதாரர்கள் 157.5 செ.மீ (வெறுங்காலுடன்) உயரமும், எடை: உயரத்திற்கு ஏற்றவாறு. பிஎம்ஐ- 18 முதல் 22 வரையிலும், தெளிவான நிறத்திலும், பச்சை குத்தாமலும், தெளிவான கண் பார்வையுடனும், ஹிந்தியிலும் ஆங்கிலத்திலும் நல்ல கமாண்ட் செய்பவர்களாகவும் இருக்க வேண்டும். மேலும் வடகிழக்கு மாநிலங்கள் மற்றும் மலைப்பாங்கான பகுதிகளைச் சேர்ந்த விண்ணப்பதாரர்கள், அந்தப் பகுதியின் இருப்பிடச் சான்றிதழை சமர்ப்பிக்க வேண்டும், முழுமையான தடுப்பூசி மற்றும் சரியான இந்திய பாஸ்போர்ட் வைத்திருக்க வேண்டும்.
இப்பணிக்கு நேர்காணல் மூலமாக தகுதியான விண்ணப்பதாரர்கள் தேர்ந்தெடுக்கப்படுவார்கள் என அறிவிக்கப்பட்டுள்ளது. மேலும் விண்ணப்பதாரர்கள் அதிகாரப்பூர்வ அறிவிப்பின் மூலம் விண்ணப்பித்து 02.02.2023 தேதியன்று நடைபெறும் நேர்காணலுக்கு Western Formal Outfit-ல் அறிவிப்பில் கொடுக்கப்பட்டுள்ள முகவரிக்கு சென்று கலந்து கொள்ளுமாறு கேட்டுக் கொள்ளப்படுகிறார்கள்.
